Hazardaj Pensoj

Kia Jaro!

2008-12-08T10:56:00.002-05:00

Mi ja devas deklari, ke cxi tiu jaro 2008 estas sxajne la plej mizera de mia vivo. Estis suficxe malbone ke mia patrino enhospitaligxis kaj tie finfine mortis dum la printempo, sed plue, mia dekkvinjara rilato kun mia edzino ankaux finfine finigxis post multjara kadukigxado.

La patrino eniris la hospitalon por "rutina" kor-kirurgio. Kelkajn tagojn poste, sxi kolapsis en sia cxambro kaj estis savita nur post tuta horo da KPR. Mirakle, sxi travivis tiom da revivigado. La fino tamen jam komencigxis. Sxiaj renoj suferis neripareblan damagxon, kaj ankaux la intestinoj malsanigxis pro la dumtempa manko da oksigeno. Sxi mortis la 23-an de junio, 2008.

Ankaux mortis cxi jare mia geedzigxo. Linjo kaj mi apartigxis spirite antaux kelkaj jaroj. Cxi laste, ni fakte nur kolerigas unu la alian. Mi translokigis min en apartamenton ne malproksime al la domo. Mi gxojas, ke mi povis trovi logxlokon en Blovanta Roko. Mi estas nur du mejlojn for de la knaboj kaj mi estas preskaux en la malantauxa korto de ilia lernejo! Fakte, mi anitcipas viziton de ili post kiam la lernejotago finigxas.

"Grandega Mardo"

2008-02-04T09:29:00.000-05:00

Morgaux estos gravega tago en la politika historio de Usono. Tiam okazos balotadoj en dudek du usonaj sxtatoj por determini la por-prezidentajn nomitojn de niaj du cxefaj partioj. Ekde mia juneco fascinas min politakaj aferoj, aparte tiuj rilatantaj la Prezidenton de la Unuigxintaj Sxtatoj. Exc knabagxe, mi koletkis fotojn de la pasintaj prezidentoj kaj legis biografiajxetojn pri ili. Mia patrino rakontis al mi, ke dum la balotado de 1956 mi rimarkis, ke "I like Ike, Mamaw likes Stevenson." ["Preferas mi "Ike" (kromnomo de Eisenhower), dum Avinjo preferas Stevenson-n."] Tiam mi estis malpli ol tri jaragxa. Ecx tiam, aferoj politikaj interesis min!

Cxi jare, la balotado estas aparte interesa cxar ni preskaux certe faros histori-rompantan decidon. Eblas, ke ni prezidentigos aux la unuan virinon, aux la unuan negrahauxtulon, aux la unuan discxiplo de la mormona religio. Iakaze, komencigxos nova epoko...finigxos la epoko de BUSH!!

Jen 2008

2008-01-03T11:01:00.000-05:00

Bonvenon al la nova jaro 2008! Gxia komenco enkondukas la finon de George Bush, la fi-Prezidento de nia amata respubliko. Jam komencigxas la lasta jaro de ties mis-estrecado!! Dank' al Dio, ke ni postvivos la eksterdube plej malbonan prezidenton en la tuta historio usona.

Inter la nunaj kandidatoj esti la sekva Prezidento, mi ne havas propran favoritan, sed mi tute certas, ke ecx la plej stulta el ili plibone prezidentos ol Bush!

La civitanoj usonaj ege eraris je la balotadoj en 2000 kaj 2004. Dio pardonu nin pro tio! Cxifoje, ni estu pli respondecemaj. Cxifoje, ni taksu nian respondecon altega, kaj ni faru la justan decidon por la bono de la tuta mondo!

Honore al Ludoviko

2007-12-15T10:48:00.000-05:00

Jam denove estas Zamenhofa Tago memore al la naskigxo de nia lingva Majstro. Mi esperas, ke cxiuj samideanoj sxparos kelkajn minutojn por memori la spiriton de Zamenhof kaj danki al Dio pro tiu profunda animo. Tiun dankemon ni cxiuj portu enkore dum la venonta jaro, tiel plibonigante la mondon!

Strecxigaj Semajnoj

2007-11-29T11:15:00.000-05:00

Inter Linjo kaj mi jam okazis malbonaj semajnoj. La problemoj inter sxi kaj mi finfine eruptis antaux du monatoj, jen do la (kulpigita) kialo por mi neglektado de cxi tiu blogo. Tamen ni kune dauxras niajn vizitojn al la "edz-konsiliston" en la apuda sxtato, Tenesio. La veturo al tiu loko tenesia postulas pli ol unu horo, tamen la beleco apudvojagxa multe rekompensas la veturon. Hieraux estis aparte bela tago...la cxielo estis sennuba kaj moderis la temperaturo. Pli ol cxio ajn helpis, ke Linjo kaj mi havis bonan matenon antaux ol ni vojagxis al TN. Ni dauxrigis nian honestan interrilatadon kaj jam atingis kelkajn interkonsentojn antaux ol ni vizitis la konsiliston.

Kiun Religion?

2007-11-06T11:41:00.000-05:00

Antaux kelkaj tago rigardis televidion Veslio kaj mi. Ekaperis tie evangelia kxoruso vestita per koloroplenaj roboj. Ili kantis kaj ritme braksvingis, kaj Veslio vidinte tion demandis al mi, "Kio estas ilia problemo?" Mi respondis, ke "Ili havas Religion." Li iomete rerigardis al la telvidaparato kaj poste demandis, "Kiu religio estas nia?" Tiu demando frapis min je la kapoflanko cxar mi ne havis jam preparitan respondon por li. Mi nur balbultis ion pri gxenerala kredo pri Dio. Mi demandis al Veslio, "Cxu vi kredas, ke ekzistas Dio?" Li respondis jese. Mi diris, ke mi same kredas je Dio, sed post tiu baza fakto, mi ne povas (aux emas) aldoni multon pli. Jen mia baza teologio: Cxu vi kredas je Dio? Jes! Cxu vi povas ekspliki pri tio? Ne!

Mi ne forgesas...

2007-11-06T10:03:00.000-05:00

Mi estas skribema gxuste nun, do estas ideala tempo aldoni al cxi tiu malofte vizitita blogo. Kial mi estas skribema? Mi ne scias, tamen eble temas pri la fakto ke mi liberas de la hospitalo hodiaux, do mi povas distri min per skribado cxi tie. Ne forgesas mi Esperanton! La lingvo estas vera cxiutaga parto de mia vivo. Se mi ne legas gxin je la Reto, mi estas leganta gazetojn aux novajxleterojn esperantajn, aux almenaux babilanta al mi mem!

Morgaux estas la naskigxtago de mia filo, Veslio. Li jam dek du jarigxos! Mi apenaux povas kredi, ke li, mia unuanaskita filo, jam tiom agxas! Estas mirakle kiel LI povas pliagxigxi dum MI mem restas same juna... Li estas ja bona (tamen ne perfekta!) filo kiu, kune kun sia plijuna frato, Ethano, estas (laux mi) la Kialo de mia ekzistado je cxi tio Tero.

Mi preskaux skribis iomete pri la situacio inter mi kaj Linjo, sed mi decidis ne priskribi tion gxuste nun. La afero restas problemeca, sed nenio nova raportendas.

Esperanto estas lingvo uzata en ecx la plej foraj anguloj de la mondo, kaj mi tute ne scias tiujn, kiuj legas cxi tiun blogon. Mi dankas tiujn, kiuj jam lasis komentojn, kaj mi invitas al cxiuj legantoj lasi cxi tie siajn proprajn benojn aux blasfemojn. Miaj intersoj inkluzivas religio kaj politiko (de la nivelo nacia gxis la vilagxa). Mi estas vera liberpensulo, do sentu vin ankaux liberaj lasi viajn proprajn opiniojn ecx heretikajn!

"Mond"-Serio de Basbalo

2007-10-25T11:57:00.000-04:00

Jam la pasintan vesperon komencigxis la "Monda Serio," la cxampioniga turniro de usona basbalo. Cxijare partoprenas la "Rockies" de Kolarado kaj la "Red Sox" de Bostono. Mi subtenas la Rokulojn, sed jam venkis en la unuan ludon la Rugx-Sxtrumpulojn. Kaj ili venkis per granda poent-diferenco (13-1). Tiu du teamoj ludos denove cxi-vespere... Mi esperas, ke la Rokuloj ludos plibone!

Dauxras luktado

2007-10-25T11:28:00.000-04:00

Linjo kaj mi dauxras niajn sesiojn kun Art, kaj almenaux laux mi, ni progresadas. Ambaux ni scias, ke financaj bezonoj postulas, ke ni restu kunaj solvante niajn problemojn. La celo de la konsilado estu ke ni restos kunaj cxar ni VOLAS esti kunaj! Mi estas pli esperoplena ol mi estis antaux kvar semajnoj.

sentitole

2007-10-02T11:43:00.000-04:00

Krome de l' disfaligo de mia geedzigxo, okazas jam multaj aliaj aferoj en la mondo.. Mi bone komprenas, ke miaj personaj malfacilajxoj estas kompare tiom etaj kiom sableroj ene la tutajxo de l' Ekzistado. Tamen al MI, ili ankoraux suficxe gravas! Dio donu al mi suficxan gracon ke mi komprenu finfine Lian Volon. Mi fidas, ke troveblas en tiu Volo la vera fino de la cxi-afero.

malfacilajxoj

2007-10-01T13:38:00.000-04:00

Mi sentas bezonon mencii, ke la geedzigxo de Linjo kaj mi estas preskaux je gxi fino. Jam de longe ni emocie apartigxis. Ene de la pasintaj semajnoj, la aparteco farigxis pli malfermita kaj ni tion frontis. Cxi lastan merkredon ni kune vizitis konsiliston kiu donis al ni du horojn de sia tempo. Cxi venontan merkredon ni denove vizitos lin por dua sesio. Mi estas preta dauxrigi la sesiojn kun Art (tiel nomigxas la konsilisto). Li estas bonkora, humila, kaj sincera helpanto....se iu povas helpi nin, tiu estas Art.

Mi solene promesas skribi pli!

Cxu devas?

2007-07-12T10:39:00.000-04:00

Cxu oni devas oferi sin al sia patrolando? al sia registaro? Kia estas la diferenco inter la "lando" kaj la "registaro?" Eble la lando meritus mian oferon se ni estus batantaj por justaj kialoj, se ni estus atakataj aux invadataj. Tamen, kiam NIA registaro devigas al ni militon pro MALJUSTAJ pseuxdokialoj, estas al mi jam KRIMO je kiu mi ne estu devigata partopreni! Do, la registaro ne rajtas devigi min batali se la kialoj ne estas justaj. Kiu decidu (por mi) cxu justas la kialoj? Neniu alia ol mi mem!! Sole mi rajtas je tiu determino. Kaj felicxe mi lasas al cxiuj aliaj la saman rajton decidi por si mem!

Gxojige, mi estos libera dum la venontaj ses tagoj! Mi esperas, ke mi aldonos iomete pli al cxi tiu blogo. Certe estas mia deziro pligrandigi gxin.

Gxis baldaux!

Ek al la basbaloludo!

2007-07-05T10:58:00.000-04:00

Gxojige, mi estos libera de l' laboro hodiaux kaj morgaux. Ju pli mi agxas des malpli emas mi labori. Vere sxatas mi miajn kolegojn, kaj la malsanuloj mem estas preskaux senescepte gxojodonaj. Mi tamen tedigxas je la sencxesa marsxado de malsanoj kaj tragedioj. Jam tridek unu jarojn mi estas spir-terapiisto. Versxajne, mi devos plilabori aldonan jardekon antaux ol mi povas emeritigxi. Ho ve! :(

Post kelkaj horoj veturos ni al mia patrourbo, Newton [Nut - 'n]. Tie ni vizitos miajn patrinon kaj fraton, kaj postvespermangxe ni iros al la basbaloparko de la Crawdads [Kra-dadz]. Do, cxi tiu estos aventuroplena tago!

Novaj informoj

2007-06-20T09:21:00.000-04:00

Lastatempe mi raportis pri la malsano de mia patrino. Nun mi povas dauxrigi, ke sxi relative rapide regajnis sian antauxan sanstaton. Kompreneble mi gxojas pri tio, kaj mi aparte ecx gxojegas pro tio ke sxi preskaux mortis cxi pasintan someron! Ni esperas, ke sxi baldaux sentos sin suficxe forta por vojagxi cxi tien por restadi kelkajn tagojn. Sxi cxiam gxuas multe la montaron dum la varmegaj monatoj someraj.

Cxi lastan semajnfinon mi vizitis la amuzoparkon "Tweetsie" kiu estas kvazaux legenda cxi tie. Kun mi estis Veslio, Etano, kaj Adamo kun sia amatino. Ni pasis grandparton de dimancxo tie kaj mi gxuis la viziton tiel multe kiel la infanoj!

Morgaux mi havos vizitanton. Mia longtempa amiko, Garrio, alvenos Blovantan Rokon morgauxan matenon. Li kaj mi amikigxis antaux pli ol tridek jaroj kiam ni kunlaboris je Watauga (Uxataga) Hospitalo. Nun li logxas en Suda Dakoto jam laborante jardekon tie. Unu aux du fojojn cxiujare li revenas al sia denaskaloko kaj vizitas sian familianojn (kaj min). Mi eble donos pliajn detalojn en sekva skribo, tamen nune suficxas.

Malsano denova

2007-06-07T12:20:00.000-04:00

Meze de cxi pasinta nokto, vekis min telfonovoko de mia frato. Li diris, ke nia patrino (kun kiu li logxas) estas subite nevekebla kaj li jam alvokis helpistojn. Tio estis proks. je la 2-a. Pli malpli du horojn poste li telefonis denove por sciigi ke Panjo estas iom pli sana en la hospitala Krizejo en Hickory. Je la 7-a li informis, ke sxi kusxas en sia propra cxambro kaj dormas. Antaux unu jaro sxi estis gravege malsana kaj devis enhospitaligxi en Winston-Salem. Tiun sperton mi tute ne volas ripeti. Mia patrino havas 74 jarojn kaj sxia sanstato ne plu bonas. Mi scias, ke sxi postnelonge forpasos el cxi tiu vivo. Tiu scio tamen ne karesas mian animon aux malpliigas la kordoloron.

Cxi tiun vesperon ni pasigos je basbaloludo ankaux en Hickory. Morgaux ni denove veturos tien por viziti Panjon en hospitalo.

Arrrrgh!!

2007-05-25T11:57:00.000-04:00

Kial mi ne povas memori kiel enskribi cxi tiun blog-konton? Estas ja suficxe frustrige al mi, ke mi evitas enskribigxi. Eble se mi ne estus cxi tiom stulta, cxio cxi funkcius glate...tamen ne, mi vere estas stulta kaj ne scias kiel facile eniri la blogon.

Ne forgesu min

2007-04-16T12:10:00.000-04:00

Verdire, mi havas nun neniam aldonindan. Tamen, mi ne volas ke iu imagu, ke mi forgesas mian blogon. Tute male, mi pensas ofte pri gxi, se mankas al mi tempo por atenti pri tio.

Jen, do, estas memorigo ke mi ja volas vivteni cxi tiun blogon. Estu pacienca!

Trista Datreveno

2007-03-19T16:39:00.000-04:00

Jam venas malgajiga tago, jam la kvara datreveno de la invado usona de Irako. Pro cxi tiu kontrauxlegxa milito, dekmiloj da homoj estas mortigitaj kaj nia lando falas en gxeneralajn malamon kaj malestimon. La mondo estu kontentigita: usonanoj faligos la koruptan administracion de Busxo-Cxeni!

Hazarda Penseto

2007-01-29T22:48:00.000-05:00

Unu problemo kun cxi tiu blogo estas la malfacileco enigi posxtojn. Ekde la tempo kiam ideo elsaltas de mia menso gxis kiam mi povas malfermi cxi tiun blogopagxon, mi jam forgesis tion kion mi intencis prikomentarii.

Mi lastatempe trovis retpagxojn kiuj ofertas Esperant-lingvajn muzikajxojn. Mi surprizigxas, ke mi fakte sxatas multe de la kantoj kiujn mi estas auxdinta. Aparte allogaj estas la kanzonoj de Kajto kaj Merlino... Pere de l' muziko, mi jam trovas novan metodon vivadi la Vivon Esperantistan. Dank` al Dio pro la nova beno!!

Timoplena frauxlo

2007-01-28T01:22:00.000-05:00

Mia edzino forvojagxis hierauxe por cxeesti profesian medicinan konferencon en Kolorado. Sxi vojagxo tien ne estis senkonsekvenca. Evidentas, ke sxi perdis sian valizon kio enhavis cxiujn sian posedajxojn. Representantino de la flugkompanio telefonis min cxi-lastan posttagmezon por sciigi min ke Linjo jam perdis sian valizon. Ene de la valizo estas la posxtelefono per kiu sxi planis telefoni min kiam sxi estas sekure en Kolorado.

Mi konfesas, ke mi panikis kiam mi ne povis konstati kie estas mia edzino. Mi panikis imagante ke sxi estis aux vundita, aux forkaptita...aux propravole forfugxinta de mi mem!

Estis kontentige kiam sxi finfine telefonis dirante, ke sxi ja jam atingis sian vojagxcelon. Sxi estas sekura en hotelocxambro je Snowmass, CO.

Jam Sercxas Ni Novan Prezidanton

2007-01-23T11:24:00.000-05:00

Post malpli ol du jaroj, ni usonanoj havos novan prezidanton. Dank' al Dio por tio!! Cxi nuna sxtatestro estas fiaska stultulo kiu, se ni bonsxancos, eble ne tute detruos la sxtaton kiun li "estras." Oni mallongigas la nomon, George W. Bush, kiel "Dubya." Tion mi esperantigis kiel Dubjo. (Rimarku, ke la vortradiko estas 'dub') Kia fiulo estas li! Evidente, li cxiunokte surgenuigxas kaj pregxpetas al Dio, "Kiujn bombus Jesuo?"

Cxi tiun vesperon nia Fiulo liveros sian "Stat' de la Unio" paroladon. Li sendube reje mensogos pri la bezonoj invadi Irakon, kaj lauxdos la laborojn de niaj soldatoj tie. Neniu kredas lin...neniu jam delonge kredis Dubjon kiam li parolas pri Irako, pri teroristoj gxenerale, aux pri io ajn. Ni usonanoj estas jam preskaux tute konvinkitaj, ke Dubjo estas mensoganto sendepende de ties temo! Ju pli paroladas li, despli auxdas ni mensogojn.

Multaj politikistoj jam kandidatigxas por la balotado de 2008. Vere abundas kandidatoj trans la tuta politika spektrumo. Cxiu vocxdonu, kaj cxiu vocxdono estu enkalkulata!

Je la Bordo

2007-01-16T11:45:00.001-05:00

Mi jxus legis novajx-komentarion kiu havis kaplinion dirantan "Christ at the border" [Kristo je la landlimo]. Tio igis min pripensi cxu Jesuo Kristo fakte ecx vidas niajn hom-kreitajn landlimojn. Mi kredas je Kristo kiu oferis sin mem por savi la tutan homaron sen konsidero de ties naciecoj. Landlimoj servas nur por dividi la gefiloj de Dio (la diidoj?) Tute male, Kristo estas ligilo inter Kreinto kaj Kreitaj. Kristo esperis, ke ni cxiuj estigxu Unu. Tion ankaux esperis Zamenhof kiam li donis al ni Esperanton. Li deziris, ke la tuta homaro unuigxu per komuna lingvo por plibonigi la sxancon ke la popoloj kunvivu en paco.

Ne volas mi pretendi, ke Zamenhof egalas al Kristo en ia teologia senco, tamen pli malpli egalas la unuigaj fortoj kaj de religio kaj de lingvo.

Sxangxo en Vasxingtono

2007-01-04T11:02:00.000-05:00

Estas grave bona tago en Usono. Hodiaux je la tagmezo cxesigxos la mortopremo de la Respublikanoj en nia Kongreso! Mi ne povas promesi, ke la Demokratianoj estos pli sagxaj ol la Resp-oj, sed mi garantias, ke ili estas pli honestaj kaj pli dedicxitaj al la bezonoj de la ordinaraj usonanoj. Kaj ili postulos al la Busxa Administracio, ke tiu agu laux la volo de la popolo!

Dio helpu cxi tiun mondon!!!

Antaux tridek jaroj...

2006-10-02T11:58:00.000-04:00

...mi diplomigxis je ASxU-o [Apalacxia Sxtat-Universitato] kio estas regiona kolegio situanta en l'urbo Boone. Hodiaux mi denove piede vagis la kampuson de ASxU-o dum mia bopatro, S-ro Craig [krejg], vizitis oreliston tie. Mi miris je la sxangxoj kiuj okazis dum la jaroj. Bonsxance, la bopatro vizitis unu el la malnovaj konstruajxoj, do mi bone sciis de kie mi komencus mian vagadon.

Pli malpli, la konstruajxoj mem restas sensxangxe, tamen cxiuspace inter ili estas novaj! La tuta kampuso estas plena je konstruajxoj. Alimane, la studentaro ekimpresis min izolitaj kaj ne-ekscitemaj. Auxdeblas preskaux neniaj homaj vocxoj. Multe da homoj celoplene promenadas preterpasante, tamen neniu babilas. Anstatauxe, oni aux auxskultas iPodojn aux okupigxas je celfonoj. Tute mankas komunikado inter la preterpasantoj.

Dum mia tempo, oni vidis grupojn da studentoj kiuj marsxis kune kaj babiladis sxerceme laux la trotuaro. Jen la cxefa diferenco inter la modernaj studentoj kaj tiuj de mia tago antaux tridek jaroj....tiam ni auxskultis niajn najbarojn...nuntempe oni auxskultas nur tion kion li mem elektas, do oni nune auxdas nur sian propran vidpukton, sian propran mondperspektivon kaj farigxas pli kaj pli izolita!

Mi gxojas, ke mi diplomigxis antaux tridek jaroj!

Cxu Nova Naskigxo?

2006-09-20T12:22:00.000-04:00

Cxu necesas aldoni, ke mi estas la plej malbona blogisto en la tuta Esperantujo? Kompreneble, ne!! Kiom ofte mi antauxe promesis aldoni plu al cxi tiu blogo? Kiom ofte mi promesis denove renovigi mian "taglibron"?? Mi jam cxi tie pretas konfesi, ke mi estas ja malbonega raportisto!

Dum la someraj monatoj okazis multe cxe ni! Linjo, mia edzino de pli ol dekduo da jaroj, perdis sian laboron (kaj same perdigxis sia salajro). Ni estis neniel ricxaj antauxe, tamen post la perdo de sxia enspezado ni estas ja malricxaj! Enspezoj mankas....sxuldoj abundadas!

Malgraux tio, mi povas kun gxojo anonci, ke Linjo jam antaux unu monato ekfermis novan oficejon en Boone [Bun]. La alveninta nombro da klientoj estas esperodona! Mi fidas, ke Linjo baldaux enspezos multe da dolaroj.....ecx tiom ke mi povos tuj emeritigxi! Ju pli frue, des pli bone!

Dum cxi pasinta semajnfino telefonis min mia novjorka amikino, Linda. Sxi min sxokis per informigo ke sxi kaj H.L. planas translokigxi de Delhio al Portlando, Mejno! Mi ja sxokigxis kiam mi ekauxdis cxi tion! Dum mia pasintjara vizito al Delhio mi tuje ekenamigxis al tiu regiono. Mi bedauxras, ke miaj malnovaj konatoj ne plu intencas logxi en tiu belega angulo de la Mondo.

Trolonga foresto

2006-07-26T16:40:00.000-04:00

Estas multo raportinda, tamen mankas al mi nun la libertempon por raporti. Mi kvankam aldonas, ke cxi tiu estas jam la plej malbona somero de mia vivo. Sekvos pli....

Niaj Cxinaj Vizitantoj

2006-04-20T12:42:00.000-04:00

Kun gxojego ni pasint-dimancxe gastigis la mondfaman samideaninon, Tan Xiuzhu, de Cxinio! Sxi kaj sxia edzo estas en Usono nuntempe por viziti siajn filon kaj bofilinon kiuj logxas en en l' Nord-Karolina urbo, Greensboro [Grinzboro]. La ges-roj Tan estos en Usono gxis la fino de majo, kaj mi kompreneble volegas renkonti ilin denove antaux ilia foriro.

Ni trapasis la belan tagon mangxetantaj kaj babilantaj sur la antauxpordo de nia domo. Poste, ni mallonge veturadis al la "urbocentro" de Blovanta Roko. Post agrabla promenado ambaux-flanka de la "cxefstrato," ni piediris al loka restoracio kaj gxuis bongustajn pladojn vespermangxajn. Estis bonega okazintajxo al mi paroli E-on....de post la morto de mia amiko Karlo, haveblas al mi neniu alia kiu povas babiladi.

S-rino Tan fakte donis al mi grandegan komplimenton...sxi diris, ke mi parolas suficxe flue por esti dungata de E-lingva radiostacio! Mi sentis min ege flatata...

Niaj Fiaj Landestroj

2006-03-29T18:26:00.000-05:00

Neniam en miaj 52-jara vivo devis mi honti pri la estroj de mia kara hejmlando. Ecx dum la tagoj de Nixon [Nikson] mi ne sentas la honton kion mi nune palpesentas. La aroganteco, la avarico kaj la malkompetenteco de cxi tiu administracio estas sen egaloj en la tuta historio de Usono!

Por regajni iom da sia digno, mi rekomendas, ke Presidento Bush (Busx) tuj rezignu sian postenon. Tamen mi scias, ke tio estas idealisma revo, cxar Bush tute ne havas dignon, kaj do neniam lauxvole forlasos sian oficon.

Jam komencis la kampanjojn por la sekvanta Kongreso. Urgxe gravas, ke Demokratoj gajnu la majoritaton cxi novembron!!

Kio Plej Gravas?

2006-03-22T12:12:00.000-05:00

Mia unua penso pri la interlingvo, Esperanto, estis ke, gxi ofertas rimedon provitan por liberigi la popolojn de la bariloj kiuj estis starigitaj de registraranoj. Se cxiuj malsamlandanoj povus facile babiladi per unu lingvo facile lernebla, cxu ne maloftus militoj kaj interkulturaj disputajxoj?

La nefumanto

2006-02-03T17:09:00.000-05:00

Hodiaux markas ok semajnojn ekde mi laste fumis cigaredon! Cxiuj miras, ke mi (MI, la fervora fumanto) povas cxesi la habiton, kaj mi estas gxuanta mian novan rolon en la hospitalo. Mi kredas, ke kelkaj aliaj jam cxesis fumi pro mia ekzemplo kaj kuragxigo.

Unu el la benoj de nefumado estas, ke oni ne devas elspezi monon por acxeti la cigaredojn. Do, la sxparitaj dolaroj jam plenigas miajn posxojn, cxu ne? Tute ne! La mono eliras suficxe rapide, ke la posxoj restas malplenaj malgraux la rapideco de la replenigado. Eble mi poste povas esti plikonservema kaj la mono estos plisxparata.

Baldaux mi volas skribi ion pri mia korespondamiko, Razeno.

Resaluton

2006-01-19T20:17:00.000-05:00

Mi volas sciigi, ke mi ne forgesas tiun cxi blogon......simple mankis al mi suficxe da tempo por aldoni mesagxojn cxi tie. Kiel gxisdatigo mi anoncos, ke ekde morgaux mi estas ses semajnojn sentobaka!

Malplena Nesto

2005-12-28T12:28:00.000-05:00

Cxi matene foriris niaj du plijunuloj. Ili trapasos la sekvantajn kvar noktojn en Newton (Njuton) cxe la domo de mia patrino. Felicxe, mi estas libera kaj hodiauxe kaj morgauxe! Mi gxuegos la solecon! ...kaj la kvietecon!!

Oni ne miskomprenu; mi amegas la junulojn! Tamen, estas ankaux placxe havi tempon dedicxitan sole al mi mem! Hodiaux ne estas plezurdona tago, pro la fakto ke instalisto venigis cxi tien novan mangxilar-lavilon. Nia kuirejo estas nun (ecx pli) malpura kaj parto de gxia planko estas detruita! Kaj la lavilo ankoraux ne funkcias cxar gxi ne perfekte situigxas en sia propra loko. Ni devas forsegi iom da nia sxranko, kaj Sterlingo promesis pruntepreni la segilon de S-ro Craig (Kreg)....

Mi estas ankoraux SEN-tobaka!! Cxi venonta vendredo markos tri semajnojn da nefumado de mi. Jam spiras mi plibone, kaj mia posxo enhavas pli da mono!

Malgajiga novajxo

2005-12-27T17:06:00.000-05:00

Antaux kelkaj minutoj telefonis min mia patrino. Mi cxiam gxojas auxdi la vocxon de mia patrino, tamen de temp' al tempo, sxi telefonas portanta malgxojon. Hodiaux estis tia malgxojigo kiam sxi sciigis min ke hierauxe mortis S-rino Toni Turner, nia najbaro dum mia juneco, kaj ankaux mia baptopatrino. S-rino Turner agxis 88-jarojn kaj estis fonda membro de nia eta pregx-komunumo de Epifanio. Sxia delonge mortinta edzo, Bev, estis mia baptopatro, kaj cxefas inter miaj plejestimataj konatuloj.

Funebraj ceremonioj okazigxos dimancxon posttagmezon. Mi sentas min devigita partopreni, sed samtempe estos al mi honoro cxeesti la funebrajxon.

Sukceso gxis nun...

2005-12-21T16:19:00.000-05:00

Jam de nun mi sukcesas cxesi fumadon. Hodiaux estas la dek trian tagon, kaj mi bonfartas sen la cigaredoj. Estas nepre momentoj kiam mi forte sentas deziron fumi, tamen tiuj momentoj ne estas longdauxraj kaj ili ekestas jam malpliofte. Iu kiu hazarde legas cxi tiujn vortojn, sendu viajn bondezirojn subtenajn al mi! Antauxdankon :)

Vivosxangxo

2005-12-13T11:21:00.000-05:00

Jen mi anoncas, ke mi cxipasintan vendredon fumis mian lastan cigaredon! Mi uzas al glupecon nikotinoplenan por helpi min. Do, mi jam sukcesas kvar tagojn!! Multe placxus al mi gustumi cigaredon, tamen mi NE fumos denove! Interalie, mi savos multe da mono, sed cxefe bonas, ke mi estu bona ekzemplo por miaj filoj!

Mi poste aldonas novajxon pri mia sukceso/malsukceso....

Ankoraux vivantaj

2005-11-15T11:38:00.000-05:00

Ni kvin senvirinaj knaboj sukcesas ankoraux vivteni nin dum la foresto de nia edzino/patrino....kvankam la domo estas katastrofe malpura kaj cxiu mangxoplado estas improvizita. Cxi pasintan vesperon, ni viroj kunmangxis cxe la meksika restoracio en Boone, Los Arcoiras. Bonsxance, tio estas nia plejfavorata mangxejo!

Vintro alproksimigxas! Hodiaux estas nubece, kaj la temperaturo ne altigxas dum la tago. Morgaux, oni antauxvidas, ke falos la temperaturo al frostigaj gradoj. Oni ecx prognozas, ke ni havos negxon je merkredo vespere! Mi ne malsxatas la negxon, tamen mi ne scias, ke mi estas jam preta por tio!

Sekvos aldonajxoj....

...ml

Frauxloj

2005-11-10T14:48:00.000-05:00

Hodiaux forflugis mia edzino al Kalifornio por partopreni edukan konferencon. Sxi forestos ok tagojn, do ni "knaboj" estos solaj por prizorgi nin mem! Ho ve! Cxu eblas? Ni vidos...

Aldoni al niaj kvar hundoj, ni dumtempe prizorgas du aliajn. Temas pri la hundoj de nia amiko, Paul. Ili nomigxas Nellie kaj Q-tip....tre amindaj kaj bonkondutaj hundoj. Estas cxiam plezure havi ilin kun ni!

Gxojiga novajxo!! Cxi pasintan mardon la Demokratoj gajnis la sxtatestradojn de Virginio kaj Nov-Jerzio, la solaj du sxtatoj kiuj elektas sxtatestrojn cxi jare. Oni diras, ke markas granda malvenko por nia malestiminda Prezidento Busx! Mi esperas, ke li same malvenkos cxi venontan novembron kiam sia partio perdos la majoritaton en la Kongreso!!

Gxis poste!

Dauxrigo

2005-11-07T12:10:00.000-05:00

Finfine mi sukcesis havi interretan konversacion (IM) kun Linda! Ni jam longatempe klopodis fari tion, kaj dum mia restado en Nova Jorko, mi povis algxustigi sxian komputilon por utiligi la MSN-Mesagxilon. Mi gxojas unualoke, ke ni povas konversacii, kaj dualoke, ke mi havis la teknikan sperton arangxi la aferon!

Mi sopiras al miaj NorJorkaj tagoj...mi tiom multe gxuis mian vojagxon tie. La lando estas belega, kun montoj/montetoj samkiel ni havas cxi tie. Tamen la logxantoj estas pli civilizitaj ol tiuj kiuj logxas cxi tie...multe pli liberalaj en siaj vidpunktoj. Mi diris al Linda dum la vizito, "cxi tiu regiono memorigas min pri mia propra hejmloko, tamen plibone prizorgita." Cxu vere mi povus esti spirte Nordulo?!!

Hodiaux estas la 7-a de novembro....do, la deka datreveno de la naskigxo de mia karega, ununaskita Veslio [Wesley]. Versajne, nenio tago estis al mi pligrava ol tio novembra tago en 1995. La unue naskita filo estas aparte signifohava okazintajxo en iu ajn kulturo, kaj certe tio al mi estis vivosxangxa tago. Kompreneble, la dua tia tago estis la naskigxtago de mia dua filo, Etano [Ethan].

Kompreneble, mi havas ja KVAR filojn! La du pliagxaj estas Adamo kaj Sterlingo kiuj naskigxas dum la antauxa edzinigxo de mia Linjo. Mi adoptis ilin tuj post nia geedzigxo, sed mi ne estis tie kiam ili naskigxis. Do, mi ne memoras ili kiel beboj. Mi strebas ne diskriminacii kontraux ili pro la fakto ke la junuloj estas miaj filoj lauxsango. Ne kulpas la malplijunaj pro sia forigxinta patro! Mi ja amas ilin, kaj gxojas, ke ili sukcese trovas siajn padojn en la vivo.

Jam mi gxisdatigas mian blogon. Gxis baldaux!

Denove Hejme

2005-10-28T12:27:00.000-04:00

Jam mi sukcesis hejmeniri de Nova Jorko post la sacerdotigxo de mia kara amikino, Linda Wilson. La vojagxo mem estis iom strecxiga, tamen entute mi devas diri, ke gxi multe placxis al mi! Estis nepriskibeble bone denove renkonti al Linda kaj HL...post 23-jara apartigo! Ni kune babiladis kvazaux seninterrompe.

La sacerdotiga ceremonio estis aparte bela. Kutime je la malgranda pregxejo de Linda kolektigxas nur manpleno da adorantoj, sed okaze de la sacerdotigo amasigxis pli ol cent homoj! Prezidis la episkopo David Bena (bona e-nomo por episkopo) kaj partoprenis multe da aliaj sacerdotoj. Sxajnis, ke duono de la malgranda vilagxo de Delhi kunfestis la okazon!

Pli ol la religiaj aferoj, placxis al mi konatigxi la regionon kaj renkonti la geamikojn de L. kaj HL. Ili cxiuj estis senesepte afablaj kaj bonvenigaj. La vilagxo Delhi estas belega, kaj se miaj familianoj ne estus jam enradikigxintaj en Norda Karolino, eblas ke mi translokigxus al tiu novjorka regiono! Tiom gxi belas!!

Gxis baldaux (mi promesas)!!!

Mallonga aldono

2005-10-13T18:53:00.000-04:00

Mi min preparas por la vojagxo al Nova Jorko kie sacerdotigxos mia malnova amik(in)o, Linda. Jam pasis pli ol dudek jaroj ekde mi laste vidis sxin kaj sxian edzon, H.L. Malgraux miaj timoj rilate la vojagxo sola, mi ege anticipas denove kunigxi kun ili.

Jen mia itenerio: mi forflugos matene la 21-an de oktobro atinganta nov-jorkon tiun posttagmezon. Mi tie luos auxton kaj veturos proks. sepdek mejlojn gxis la urbeto Sud-Kortrajto. Mi tranoktos tiun unuan nokton cxe la hejmo de Linda kaj H.L., sekve mi enlogxigxos en hotelo proksime de ili. Sxi sacerdotigxos je dimancxo, la 23-a. Mi partoprenos la cermonion kiel "Prezentanto," (angle, Presenter). La 25-an mi reveturos al Albany kaj de tie mi hejmenflugos.

Kurtaj Observajxoj

2005-09-29T13:06:00.000-04:00

Mirigas min la korupteco de nia nuna registaro. La Administrado Busxa kaj la tuta estrado de la Respublikanoj estas apopleksige fia. Ili estas koruptaj mensoguloj kiuj volas nur ricxigi siajn amikojn (samtempe ricxigante sin mem). Ne zorgas ili pri la ordinaraj homoj. Ne zorgas ili pri la vero. Zorgas ili nur pri tio kio pliricxigas kaj plipotencigas sin. Oni nomis cxi tiun registaron la Kulturo de Korupteco, kaj ja prave oni tiel nomis ilin.

Jen mia solena promeso: mi neniam vocxdonos favore al iu kiu aprobis la kandidatecon de G.W.Busxo! Mi prefere subtenus la Demokatajn socialistojn ol vocxdoni por fasxistaj Respublikanoj!! Cxefe mi bedauxras, ke ne ekzistas tauxga alternativo al tiuj du tendencoj.

Malfacilajxoj

2005-09-28T18:17:00.000-04:00

Mi renkontis malfacilajxojn kiam mi klopodis reeniri mian blogon. Montrigxas, ke mi estas malbona teknikisto rilate al la komputero. Estas nenio urgxe aldoninda al mia rakonto cxi tie, tamen mi volas utiligi cxiajn rimedojn por skribi E-e.

Hodiaux mi ricevis la plejlastan numeron de "esperanto," la oficiala organo de UEA. En tio estas raportoj pri la jxus okazinta UK en Vilno, Litovujo. Ankoraux mi devas nur revi pri partoprenado en UK....la venonta okazos en Florenco, Italujo, kaj mi ja revEGas partopreni gxin! Malgraux miaj revoj, mi ne scias kiel mi sxparos suficxe da mono por vojagxi tien. Mia revo resto tiel...nur revo:(

Cxi venontan monaton mi ja vojagxos al la sxtato Nova Jorko. Tie mi vizitos miajn malnovajn amikojn, Linda kaj H.L. Wilson, okaze de la sacerdotigo de Linda. Mi ne estas vidinta ilin dum la pasintaj dudek jaroj, do mi ege anticipas la renkontigxon.

Jam estas tempo iri al la spicisto....ni devas prepari la vespermangxon. Mi esperas, ke mi sekvantfoje facile eniros la blogon por aldoni miajn novajn Hazardajn Pensojn.

Jam tro longe...

2005-09-08T11:00:00.000-04:00

Jam tro longe mi neglektis cxi tiun eblecon utiligi mian karan lingvon. Multo okazis ekde mia lasta skribado.

Estas jam septembro, sed dum la auxgusta varmeco ni libertempis en Pigeon Forge (Kolomba Forgxejo) en la apud sxtato Tenesio. Tie ni gxuis tutan semajnon da senstrecxeco kune kun niaj amikoj Chris kaj Beth Oates kaj kun ties filino, Allison. Poste dum la semajno, kaj miaj patrino kaj sxia amikino, Nancy, renkontigxis kun ni kaj restis cxe ni la lastajn du noktojn.

Je la mateno kiam ni foriris por nia libertempo, ni venigis du el niaj dombestoj al la bestokuracisto por ke ili estu "endormigitaj." Tiuj estis nia kara hundo, Sadie, kaj niaj fidela kato, Charlie. Ili ambaux estis maljunaj kaj estis longtempe suferantaj pro diversaj kauxzoj. Do, la ferio komencigxis kun sento de tristo.

Du tagojn post nia foriro mi eksciis de Adamo kaj Sterlingo (kiuj restis hejme) ke, mia propra hundo, Bart, ne etis trovebla. Mi jam sciis, ke Bart estis maljuna kaj malbonsana. Do, ne surprizigxis mi kiam mi konstatis ke li foriris por morti. Bart-on mi havis proks. 13 jarojn, do mi estas kompreneble malgaja, sed li fakte havis bonan hundovivon, kaj mi tute respektas lian decidon malaperi lastmomente por havi al si kvietan trapason al la hunda paradiso.

Malgajigoj

2005-08-02T18:51:00.001-04:00

Cxi pasintan vendredon ricevis mi plej sxokigan malgajan novajxon. Temas pri mia malnova amikino, Linda, kiu informis, ke sia kuracisto diagnozis al sxi kanceron. Mankas al sxi asekuron, kaj ecx se sxi estus tion havanta, sxi ne fidas je kuracistoj kaj elektas ne suferi la kuracmetodojn kiujn kanceraj pacientoj travivas. Linda estis mia iama kunlaboranto je la hospitalo en Durhamo. Kaj sxi kaj sia edzo, HL, estis ankaux miaj narbaroj en la vilagxo Eflando. Tiutempe ni farigxis bonegaj amikoj ofte drinkante vinon kaj kafon, kaj tiel solvanta la problemojn de la mondo.

Nune, Linda logxas en la sxtato Nov-Jorko. Mi ne vidis sxin vizagxon al vizagxo ekde pli ol dudek jaroj kvankam ni ofte intersxangxas retmesagxojn. Tre deprimigxas mi pro sxia diagnozo. Mi vane esperas, ke eble eraris la kuracistoj. Kiam mi scias pli mi pli raportos.

Gxis... :(

Somera Varmeco

2005-07-25T16:56:00.000-04:00

Ho, kiom malamas mi la someron! La varmeco estas preme malagrabla. Jam kelkaj en la okcidentaj sxtatoj mortis pro altegaj temperaturoj.

Cxi tie en la montaro la temperaturo altigxis gxis okdek sep gradoj, kaj en la piedmonta regiono oni preskaux atingis cent gradojn! Ho, kie estas la frostigo de auxtuno!

Cxi venontan semajnfinon la edzino kaj mi iros al la urbo Asheville [Asxvilo] por ferii la semajnfinon. Okazos tie granda strat-festo nomata "Belle Chere." Mi esperas, ke la tagoj malpli varmigxos dum nia vizito! Alie, mi ne certas cxu mi povas toleri la stratojn...

Kiel kutime, hontas mi la prokrastadon je skribado. Mi jam konfesis, ke mi estas malbona korespondanto...kaj tio ne sxangxigxis. :(

Neglektado

2005-06-29T18:29:00.000-04:00

Jam pasis tri semajnoj ekde mia lasta skribo. Mi sciis, ke tia estus mia kutimo...vere mi estas malbona korespondanto. (Nur petu al tiuj al kiuj mi promesis verki leterojn.)

...ml

Denove al la laboro

2005-06-10T18:11:00.000-04:00

Finigxas hodiaux mia libertempo. Fakte, tio ne gxenas al mi; mi estas preta reiri al la laborejo. Dum la semajno, mi mangxis kaj drinkis bone, kaj mi dormis multe. Entute, placxan semajnon!

...ml

Somera Ferio

2005-06-06T09:23:00.000-04:00

Jam la unua tago de la "somera ferio" por niaj infanoj. Gxojiga afero por ili, tamen al mi temas pri la fino de "libertagoj." Gxis la 11-a de auxgusto mi fakte ne havos solecon kaj kvietecon :( Ofte mi diras, ke mi estas la sola persono kiu malamas la lernejon ecx pli ol la infanoj. Tamen nun, mi deziras, ke la lernejo malfermu gxiajn pordojn dum la tuta jaro!

Mi ne devas labori cxi tiun semajnon, do mi esperas, ke mi povas esplori la eblecojn kiujn mi havas cxi tie cxe Blogger. Eble cxi tiu proceso fascinos min kaj mi farigxos avida blogisto kiu estas legata en la ecx plej foraj anguloj de la mondo.......aux eble porkoj flugos el miajn orelojn!

Multe da usonanoj jam planas vojagxi dum la somera ferio. Ni ne estas inter ili. Mia edzino multe laboras je sia profesio (mi estas multe mallaborema), do kiam sxi povas esti for de la oficejo, sxi okupigxas pri edukaj aferoj, cxu kiel studanto cxu kiel instruisto. Tio ne lasas al ni multe da tempo por ferii kiel familio.

Sekvos ion pri tiu familio.... Gxis la!

Dauxrigo?

2005-06-04T08:34:00.000-04:00

Cxu mi sukcesas dauxrigi mian novan blogon? Estis malfacile ecx trovi la gxustan pasvorton por rajti skribi cxi tiujn vortojn... Ofte tiel evidentigxos, ke mi estas prikomputila malspertulo.

Estas sabato matene. Mia edzino estas laboranta kelkajn horojn hodiaux, do sxi jam en Lenoir (la urbeto en kiu sxi laboras). Supozeble sxi hejmeniros je la tagmezo.

Tiu cxi estas la unua el sep liberaj tagoj por mi! Unu el la beneficoj de mia longtempa dejxoro estas ke mi amasas multe da horoj de "liberaj tagoj." Do, antauxnelonge, mi decidis ke mi ja gxuos tiujn pagatajn tagojn por ke mi povas malpli labori.

Sekvos pli da skribado....dum mi libertempas!!

Jen komenco

2005-05-20T11:54:00.000-04:00

Jen la komenco de tio, kio miasupoze estos malofta skribado. Mia historio kiel verkisto/skribisto estas malglora. Multe da komencoj sekvataj de multe da neglektado. Eble cxi tiu forumo estos tiel alloga kaj facila, ke mi avide volos plu skribi.

Unualoke, legantoj rimarkas ke cxi tiu estas en la internacia lingvo, Esperanto. Mi adoptis gxin antaux multaj jaroj, precize en 1986.

Mi jam finis cxi tiun eksperimenton. Sukceson, mi esperas!